haqiiqat me.n ho sajda jubba-saa.ii kaa bahaana ho
ilaahii meraa sar ho aur un kaa aastaana ho

tamannaa hai ki merii ruuh jab tan se ravaana ho
dam aa.nkho.n me.n ho aur pesh-e-nazar vo aastaana ho

zabaa.n jab tak hai aur jab tak zabaa.n me.n taab-e-goyaa.ii
tirii baate.n ho.n teraa zikr ho teraa fasaana ho

mirii aa.nkhe.n nahii.n aa.iina-e-husn ruu-e-saabir kaa
dil-e-sad-chaak un kii ambarii.n zulfo.n kaa shaana ho

balaa us kii Dare phir garmii-e-KHurshed mahshar se
tire lutf-o-karam kaa jis ke sar par shaamiyaana ho

unhe.n to mashq-e-tiir-e-naazukii dhun hai vo kyaa jaane.n
kisii kii jaan jaa.e yaa kisii dil kaa nishaana ho

na puuchh us ‘andaliib-e-soKHta-saamaa.n kii haalat ko
qafas ke saamne barbaad jis kaa aashiyaana ho

sar-e-‘bedam’ azal ke din se hai vaqf jabii.n-saa.ii
kisii kaa naqsh-e-paa ho aur ko.ii aastaana ho

No comments yet

‘adam se laa.ii hai hastii me.n aarzuu-e-rasuul
kahaa.n-kahaa.n liye phirtii hai justajuu-e-rasuul

KHushaa vo dil ki ho jis dil me.n aarzuu-e-rasuul
KHushaa vo aa.nkh jo ho mahv-e-husn-e-ruu-e-rasuul

talaash-e-naqsh-e-kaf-e-paa-e-mustafaa kii qasam
chune hai.n aa.nkho.n se zarraat-e-KHaak-e-kuu-e-rasuul

phir un ke nashsha-e-irfaa.n kaa puuchhnaa kyaa hai
jo pii chuke hai.n azal me.n mai-e-subuu-e-rasuul

balaa.e.n luu.n tirii ai jazb-e-shauq-e-salli-alaa
ki aaj daaman-e-dil khi.nch rahaa hai suu-e-rasuul

shagufta gulshan-e-zahraa kaa har gul-e-tar hai
kisii me.n ra.ng-e-alii aur kisii me.n buu-e-rasuul

‘ajab tamaashaa ho maidaan-e-hashr me.n ‘bedam’
ki sab ho.n pesh-e-KHudaa aur mai.n ruu-ba-ruu-e-rasuul

No comments yet

Rukh-e-Mahboob-e-Subhani kay Sadqay
Man is Noorani kay Sadqay

Shah-e-Aqleem-e-irfani kay Sadqay
Janab Gauth-e-Samdani kay Sadqay

Mueen uddin Ajmeri kay Qurban
Muhi uddin Jilani kay Sadqay

Bana hay seena Gulzar-e-Khaleeli
Man Dard-e-phani kay Sadqay

Tasadduq mah-e-Jabeenoon par zamana
Man apnay Peer Lathani kay Sadqay

Fida Baidam Ali kay ladaloon par
Rasoolullah kay jani kay Sadqay

No comments yet

Be khud kiye dete heyn, andaz-e-hijaabaana,
Aa dil meyn tujhe rakh lun aey Jalwa-e-jaanana.
Bas itna karam karna aey Jalwa Jaanana
Jab jaan labuon par ho Tum aa jaana.
Jee chahta hey tohfe meyn bhijoon man uneheyn aankheyn
Darshan ka to darshan ho nazraane ka nazrana.
Peene ko to pee lunga, par arz zara si hey,
Ajmeyr ka Saqi ho, Baghdad ka maykhana.
Kiyun aankh lagayi thee kiyun .aankh milayi thee.
Ab Rukh ko chupa bayithey kar kay mujhay deewana
Be dam meri qismat meyn sajdey heyn Usi Dar ke,
Chootey heyn na choote ga Sang-e-dar-e-Jaana’na

No comments yet