اَلصَّلٰوۃُ وَ السَّلَام اے سروَرِ عالی مقام
اَلصَّلٰوۃُ وَ السَّلَام اے رہبر جملہ اَنام

اَلصَّلٰوۃُ وَ السَّلَام اے مظہر ذات السلام
اَلصَّلٰوۃُ وَ السَّلَام اے پیکر حسن تمام

اَلصَّلٰوۃُ وَ السَّلَام اَلصَّلٰوۃُ وَ السَّلَام
اے نبیوں کے نبی اور اے رسولوں کے اِمام

یَا حَبِیْبَ اللّٰہِ اَنْتَ مَھْبِطُ الْوَحْیِ الْمُبِیْں
اِنِّیْ مُذْنِب سَیِّدیْ اَنْتَ شَفِیْعُ الْمُذْنِبِیْں

یَا رَسُوْلَ اللّٰہِ اَنْتَ صَادِقُ الْوَعْدِ الْاَمِیْں
یَا نَبِیَّ اللّٰہِ اَنْتَ رَحْمَۃٌ لِّلْعٰلَمِیْں

اَلصَّلٰوۃُ وَ السَّلَام اَلصَّلٰوۃُ وَ السَّلَام
اے نبیوں کے نبی اور اے رسولوں کے اِمام

شاعر :مفتیٔ اعظم ہند محمد مصطفٰے رضا خاں نوری

No comments yet

مفتیِ اعظم بڑی سرکار ہے

جبکہ ادنیٰ سا گدا عطارؔ ہے

مفتیِ اعظم سے ہم کو پیار ہے

اِنْ   شَاء  اللّٰہ   اپنا   بیڑا   پار   ہے

مفتیِ اعظم رضا کا لاڈلا

اور محب سیِّدِ ابرار ہے

عالم و مفتی فقیہِ بے بَدَل

خوب خوش اَخلاق و باکردار ہے

تاجدارِ اہلِ سنّت المدد

بندۂ در بے کس و ناچار ہے

تختِ شاہی کیا کروں میرے لئے

تاجِ عزت آپ کی پَیزار ہے

اعلیٰ حضرت کا رہوں میں باوفا

اِستِقامت کی دعا درکار ہے

آستانے پر کھڑا ہے اِک گدا

طالبِ عشقِ شہِ اَبرار ہے

مسکرا کر اِک نظر گر دیکھ لو

میری شامِ غم ابھی گلزار ہے

میرے دل کو شاد فرما دیجئے

رنج و غم کی قلب پر یلغار ہے

سیِّدی احمد رضا کا واسِطہ

تیرا منگتا طالبِ دیدار ہے

ہُوں گناہوں کے مَرَض سے نیم جاں

دردِ عصیاں کی دوا درکار ہے

ہاتھ پھیلا کر مُرادیں مانگ لو

سائلو ان کا سخی دربار ہے

اِن شاءَ اللّٰہ مغفرت  ہو جائے گی

اے وَلی ! تیری دعا درکار ہے

خوب خدمت سنّتوں کی میں کروں

سیِّدی تیری دعا درکار ہے

کاش نوریؔ کے سگوں میں ہو شمار

یہ تمنائے دلِ عطارؔ ہے

شاعر :مفتیٔ اعظم ہند محمد مصطفٰے رضا خاں نوری

No comments yet

کیسے کاٹوں رَتیاں صابر

تارے ِگنت ہوں سیاں صابر

مورے کرجوا ہوک اُٹھت ہے

مو کو لگالے چھتیاں صابر

توری صورتیا پیاری پیاری

اچھی اچھی بتیاں صابر

چیری کو اپنے چرنوں لگالے

میں پروں تورے پیاں صابر

ڈولے نیا موری بھنور میں

بلما پکڑے بیاں صابر

شاعر :مفتیٔ اعظم ہند محمد مصطفٰے رضا خاں نوری

No comments yet

سب سے اَعلیٰ عزت والے
غلبہ و قہر و طاقت والے

حرمت والے کرامت والے
تم پر لاکھوں سلام

ظاہر باہر سیادَت والے
غالب قاہر رِیاست والے

قوت والے شہادَت والے
تم پر لاکھوں سلام

نورِ علم و حکمت والے
نافذ جاری حکومت والے

رب کی اَعلیٰ خلافت والے
تم پر لاکھوں سلام

آپ کا چاہا رب کا چاہا
رب کا چاہا آپ کا چاہا

رب سے ایسی چاہت والے
تم پر لاکھوں سلام

شاعر :مفتیٔ اعظم ہند محمد مصطفٰے رضا خاں نوری

No comments yet

حبیب خدا کا نظار اکروں میں
دل وجاں ان پر نثار ا کروں میں

میں کیوں غیر کی ٹھوکریں کھانے جاؤں ؟
تِرے در سے اپنا گزارا کروں میں

یہ اِک جان کیا ہے اگر ہوں کروڑں !
تِرے نام پر سب کو وارا کروں میں

مجھے ہاتھ آئے اگر تاجِ شاہی
تری نقشِ پا پر نثارا کروں میں

مِرا دین و ایماں فرشتے جو پوچھیں ؟
تمہاری ہی جانب اشارہ کروں میں !

خدا ایک پر ہو تو اِک پر محمد ﷺ
اگر قلب اپنا دو پارہ کروں میں

خدا خیر سے لائے وہ دن بھی نوؔری
مدینے کی گلیاں بوہارا کروں میں

شاعر :مفتیٔ اعظم ہند محمد مصطفٰے رضا خاں نوری

No comments yet

تو شمع ِ رسالت ﷺ ہے عالم تیرا پروانہ
تو ماہِ نبوت ﷺ ہے اۓ جلوہ جانانہ

جو ساقیٔ کوثر ﷺکے چہرے سے نقاب اٹھے
ہر دل بنے میخانہ ہر آنکھ ہو پیمانہ

دل اپنا چمک اٹھے ایمان کی طلعت سے
آنکھیں بھی نورانی اۓ جلوہ ٔ جانانہ

سر شار مجھے کر دے اِک جامِ لبا لب سے
تا حشر رہے ساقی آباد یہ مے خانہ

ہر پھول میں بو تیری، ہر شمع میں ضَو تیری
بلبل ہے تیرا بلبل، پروانہ ہے پروانہ

پیتے ہیں تِرے در کا کھاتے ہیں تِرے در کا
پانی ہے تِرا پانی، دانہ ہے تِرا دانہ

آباد اسے فرما ، ویراں ہے دل نوؔری
جلوے تِرے بس جائیں آباد ہو ویرانہ

شاعر :مفتیٔ اعظم ہند محمد مصطفٰے رضا خاں نوری

No comments yet