لب پر نعت پاک کا نغمہ کل بھی تھا اور آج بھی ہے

میرے نبی سے میرا رشتہ کل بھی تھا اور آج بھی ہے

اور کسی جانب کیوں جائیں اور کسی کو کیوں دیکھیں

اپنا سب کچھ گنبد خضریٰ کل بھی تھا اور آج بھی ہے

پست وہ کیسے ہو سکتا ہے جس کو حق نے بلند کیا

دونوں جہاں میں اُن کا چرچہ کل بھی تھا اور آج بھی ہے

فکر نہیں ہے ہم کو کچھ بھی دکھ کی دھوپ کڑی تو کیا

ہم پر اُن کے فضل کا سایہ کل بھی تھا اور آج بھی ہے

بتلا دو گستاخ نبی کو غیرت مسلم زندہ ہے

اُن پر مر مٹنے کا جذبہ کل بھی تھا اور آج بھی ہے

جن آنکھوں سے طیبہ دیکھا وہ آنکھیں بے تاب ہیں پھر

ان آنکھوں میں ایک تقاضا کل بھی تھا اور آج بھی ہے

سب ہو آئے ان کے در سے جا نہ سکا تو ایک صبیح

یہ کہ اک تصویر تمنا کل بھی تھا اور آج بھی ہے

شاعر :صبیح الدین صبیح رحمانی

No comments yet

lab par naat pak ka naghma kal bhi tha aur aaj bhi hai
mere nabi se mera rishta kal bhi tha aur aaj bhi hai
 
aur kisi janib kyun jayen aur kisi ko kyun dekhen
apna sab kuch gunbad khizry kal bhi tha aur aaj bhi hai
 
pust woh kaisay ho sakta hai jis ko haq ne buland kya
dono jahan mein unn ka charchaa kal bhi tha aur aaj bhi hai
 
fikar nahi hai hum ko kuch bhi dukh ki dhoop kari to kya
hum par unn ke fazl ka saya kal bhi tha aur aaj bhi hai
 
batla do gustaakh nabi ko ghairat muslim zindah hai
unn par mar mitne ka jazba kal bhi tha aur aaj bhi hai
 
jin aankhon se tayyiba dekha woh ankhen be taab hain phir
un aankhon mein aik taqaza kal bhi tha aur aaj bhi hai
 
sab ho aaye un ke dar se ja nah saka to aik Sabih
yeh ke ik tasweer tamanna kal bhi tha aur aaj bhi hai
شاعر :صبیح الدین صبیح رحمانی

No comments yet

کوئی مثل مصطفٰےکا کبھی تھا نہ ہے نہ ہو گا
کسی اور کا یہ رتبہ کبھی تھا نہ ہے نہ ہو گا

کسی وہم نے صدا دی !کوئی آپ کا مُمثل ؟
تو یقیں پکار اُٹھا کبھی تھا! نہ ہے نہ ہوگا !

مِری طاقِ جاں میں نسبت کے چراغ جل رہے ہیں
مجھے خوف تیرگی کا ،کبھی تھا ، نہ ہے ،نہ ہوگا

مرھے دامن ِطلب کو ہے اُنہی کے در سے نسبت
کہیں اور سے یہ رشتہ؟ کبھی تھا نہ ہے، نہ ہوگا

میں ہو ں وقف ِ نعت گوئی کسی اور کا قصیدہ
مری شاعری کا حصہ ،کبھی تھا، نہ ہے نہ ہوگا

سرِ حشر ان کی رحمت کا صبیح میں ہوں طالب
مجھے کچھ عمل کا دعویٰ کبھی تھا ہے نہ ہوگا

شاعر :صبیح الدین صبیح رحمانی

No comments yet