Dard-e-dil kar mujhay Ata Ya Rabb
Day meray dard ki dawa Ya Rabb

Laaj rakh lay Gunahgharoon ki
Naam Rahman hay Tera ya Rabb

Aib meray na khol Mahshar man
Naam Sattar hay Tera Ya Rabb

Bay sabab bakhsh day na pooch amal
Naam Gafar hay Tera ya Rabb

Aasra ham gunahgaroon ka
Aur mazboot ho gaya Ya Rabb

Too ne di mujh ko Nemat-e-Islam
Phir jama’et man lay liya ya Rabb

Ahle-e-Sunnat ki har jama’et par
Har jaga ho Teri Ata Ya Rabb

To Hassan ko utha Hassan kar kay
Ho ma’e-al-khair khatima Ya Rabb

Comments are off for this post

ALLAHOO ALLAHOO ALLAHOO ALLAHOO
ALLAHOO ALLAHOO ALLAHOO ALLAHOO
La mojood Illallah la mashahood Illallah
La Maqsood Illallah La Ma’bood Illallah
ALLAHOO ALLAHOO ALLAHOO ALLAHOO
Allah wahid-o-yakta hay eik Khuda bas tanha hay
Koi na us ka hamta hay eik hi sab ki suntan hay
ALLAHOO ALLAHOO ALLAHOO ALLAHOO

Juz ma wo hay kul man wo rang-o-boo-e-gul man wo
Afghan bulbul man wo Nagmaat Qul Qul man wo
ALLAHOO ALLAHOO ALLAHOO ALLAHOO

Bulbul Tooti parwana har eik us ka deewana
Qamri us ka mastana mor chakor ka jana na
ALLAHOO ALLAHOO ALLAHOO ALLAHOO

Mola dil ka zang churha qalb noori paye jala
Dil ko kar day Aayena jis man chamkay ye kalma

Comments are off for this post

ALLAHOO ALLAHOO ALLAHOO ALLAHOO
Qalb ko us ki Royat ki hay aarzoo
Jis ka jalwah hay Aalam man har char soo
Balkeh khud nafs man hay wo Subhanahu
Ar’sh par hay magar ar’sh ko justajoo
ALLAHOO ALLAHOO ALLAHOO ALLAHOO

Ar’sh-o-far’sh-o-zaman-o-jihat aye Khuda
Jis Taraf daikhta hoon Jalwa tera
Zarray Zarray ki Aankhoon man too hi Zia
Qatray Qatray ki to hi to Aabroo
ALLAHOO ALLAHOO ALLAHOO ALLAHOO

Too Kisi jaa Nahi aur har jaa hay Too
Too Munzzah makan say Mubarrah zasoo
Ilm-o-Qudrat say har jaa hay too koobakoo
Teray jalway han har har jagah aye af’we
ALLAHOO ALLAHOO ALLAHOO ALLAHOO

Saaray aalam ko hay Teri hi Justajoo
Jinn-o-In’s-o-malak ko teri aarzoo
Yaad man Teri har eik hay Soo ba soo
Ban man wahshi lagatay hain dharbat-e-hoo
ALLAHOO ALLAHOO ALLAHOO ALLAHOO

Nagma Sanjan-e-Gulshan man charcha Tera
Geet teray hi gatay hain wo khush Guloo
Koi kehta hay Haq koi kehta hay Hoo
Aur sab kehtay hain La shareek lahu
ALLAHOO ALLAHOO ALLAHOO ALLAHOO

Bulbul-e-khush Nawa Toti-e-khush guloo
Zamzamah kahawan han gatay hain Nagmaat hoo
Qamri khush liqa boli Haqq Sirrahu
Fakhta khush ada nay kaha dost too
ALLAHOO ALLAHOO ALLAHOO ALLAHOO

Af’w farma khatain meri aye af’we
Shauq-o-tofeeq naiki ka day mujh ko too
Jari dil kar ke har dam rahay zikir ho
Aadat-e-bad badil aur kar naik khoo
ALLAHOO ALLAHOO ALLAHOO ALLAHOO

Khuwaab-e-noori man aayen jo nor-e-Khuda
Buqaa’-e-noor ho apna Zulmat kuda
Jagmaga uthay dil chehra ho pur zia
Noorion ki tarah shugul ho zikir hoo
ALLAHOO ALLAHOO ALLAHOO ALLAHOO

Comments are off for this post

Muaaf fazal-o-Karam say ho har khata Ya Rabb
Ho magfirat paye Sultan-e-Anbiya Ya Rabb

Bila Hisaab ho Jannat man dakhila ya Rabb
Parhos Khuld man sarwar ka ho ata Ya Rabb

Nabi ka Sadqa sad kay liye Too Razi ho
Kabhi bhi hona na naraz Ya Khuda Ya Rabb

Teri Habeeb agar Muskratay Aa jayen
To bilyaqeen Uthay Qabar jagmaga Ya Rabb

Khazan Phatak na sakay pas, day bahar ayesi
Rahay hayat ka Gulshan hara bhara Ya Rabb!

Hamaray dil say nikal jaye ulfat-e-Dunya
Paye Raza ho Ata ishiq-e-Mustafa Ya Rabb

Nabi ki Deed hamari hay Eid ya Allah
Ata ho khuwab man Deedar-e-Mustafa Ya Rabb!

Tulain na Hashar man Attar kay amal mola
Bila Hisab hi too us ko bakhsaha Ya Rabb

Comments are off for this post

Hamaray dil say Zamane kay Gam Mita ya Rabb
Ho methay methay madeenay ka Gam Ata ya Rabb

Gam-e-Hayat abhi Rahatoon man dhal jayen
Teri ata ka ishara jo ho giya Ya Rabb

Paye Hussain-o-hassan Fatima Ali Hayder
Hamaray bigrhay hoi kaam day bana Ya Rabb

Hamari bigrhi hui aadatain nikal jayen
Milay gunahoon kay amradh say shifa Ya Rabb

Mujhay day Khud ko bhi aur saari dunya waloon ko
Sudharne ki Tarhp aur Hosla Ya Rabb

Hamaishah haath bhalye kay wastay uthain
Bachana zulum-o-Sitam say mujhay sada ya Rabb

Rahain bhalaye ki Rahoon man gamzan har dam
Karain na Rukh meray paoun gunah ka Ya Rabb

Gunahgar Talabgar-e-Afw-o-Rahmat hay
Azab sahnay ka kis man hay Hosla Ya Rabb

Ata ho Naiki ki dawat ka khoob jazba ke
Doon dhoom Sunnat-e-Mahboob ke macha Ya Rabb

Ata ho ham sab ko Qabool-e-Aam
Hamain Shuroor-o-Fitan say sada bacha Ya Rabb

Man Pul Siraat bila khof par kar loon ga
Teray karam ka sahara jo mil giya ya Rabb

Kahin ka Aah! Gunahoon nay ab nahi chorha
Azaab-e-Naar say Attar ko bacha Ya Rabb

Comments are off for this post

Sharf day Hajj ka mujhay bahar-e-Mustafa Ya Rabb
Rawana soo-e-Madeenah ho Qafila Ya Rabb

Dikha day aik jhalak sabz sabz Gumbad ki
Bas un kay jalwoon man aa jaye phir Qadha Ya Rabb

Madeenay jayen phir aayen dobarah phir jayen
Isi man umar guzar jaye Ya Khuda Ya Rabb

Mera ho Gumbad-e-khazra ki Thandi chaoun man
Rasool-e-Pak kay Qadmoon man Khatima Ya Rabb

Waqat-e-Naza’e Salamat rahay mera eman
Mujhay Naseeb ho tobah hay iltija Ya Rabb

Jo “Deen ka Kaam” Karian dil laga kay Ya Allah
Unhain ho khuwab man Deedar-e-Mustafa Ya Rabb

Teri Mahabbat utar jaye meri Nas Nas man
Paye Raza ho Ata ishq-e-Mustafa Ya Rabb

Zamanay bhar man macha dain gay dhoom sunnat ki
Agar karam nay teray saath day dia Ya Rabb

Namaz o-Roza-o-Hajj-o-Zakat ki Taufeeq
Ata ho Ummat-e-Mahboob ko sada Ya Rabb

Jawab Qabar man Munkar Nakeer ko doon ga
Teray karam say agar Hosla mila Ya Rabb

Baroz-e-Hashar chalkta sa jaam kausar ka
Badast-e-Saqi-e-Kausar hamain Pila Ya Rabb

Baqee-e-Pak man Attar dafan ho jaye
Baraye Gauth-o-Raza Az pay Zia Ya Rabb

Comments are off for this post

Mita day sari khatain meri mita ya Rabb bana day naik bana naik day bana Ya Rabb
Bana day Mujh ko Ilahi Khuloos ka paikar Qareeb aaye na meray kabi Riya Ya Rabb
Andheri Qabar ka dil say nahi nikalta Dar Karoon ga kia jo Too Naraz ho giya Ya Rabb
Gunahgar hoon man Layeq Jahannam hoon Karam say bakhash day mujh ko na day saza Ya Rabb
Buraioon pe pashaiman hoon Raham farma day hay teray qahar pe havi tar ata Ya Rabb
Muheet dil pe huwa haye nafs-e-ammarah dimag par meray iblees cha giya Ya Rabb
Rihaye mujh ko milay kaash! Naf’s-o-shaitan say teray Habeeb ka Daita hoon Wasita Ya Rabb
Gunah bay Adad aur Juram bhi hain la tadad kar af’we sah na sakoon ga koi saza Ya Rabb
Main kar kay tobah Palat kar Gunah karta hoon Haqeeqi tobah ka karday sharf Ata Ya Rabb
Sunoon na fuhush Kalaami na Geebat-o-chugli Teri pasand ki baatain faqat suna ya Rabb
Karain na Tang khiyalaat-e-bad kabhi, kar day shuoor-o-fik’r ko pakeezgi ata ya Rabb
Nahi hay Nama-e-Attar man koi naiki
Faqat hay teri hi Rahmat ka Aasra ya Rabb

Comments are off for this post

Kab gunahoon say kanara man karoon ga Ya Rabb
Naik kab aye meray Allah banoon ga Ya Rabb

Kab gunahoon kay marz say man shifa paon ga
Kab man beemar, Madeenay ka banoon ga Ya Rabb

Gar teray Piyaray ka jalwa na raha paish-e-Nazar
Sakhtian naza’e ki kioon ka man sahoon ga Ya Rabb

Naza’e kay Waqat mujhay jalwa Mahboob dikha
Tera kia jaye ga man sahad maroon ga Ya Rabb

Qabar man gar na Muhammad kay Nazaaray hon gay
Hashar tak kaisay man phir tanha rahoon ga Ya Rabb

Dang machar ka bhi mujh say to saha jata nahi
Qabar man bichoo kay dang kaisay sahoon ga Ya Rabb

Ghup andhaira hi kia wahshat baseera hoga
Qabar man kaisay akaila man Rahoon ga Ya Rabb

Gar kafan Paharh kay sanpoon nay jamaya Qabza
Haye barbadi! Kahan ja kay chupoon ga Ya Rabb!

Haye! Mamooli se garmi bhi sahi jati nahi
Garmi-e-Hashar man phir kesay sahoon ga Ya Rabb!

Iz’n say teray sar-e-hashar kahain kaash! Huzoor
Saath Attar ko Jannat man Rakhoon ga Ya Rabb

Comments are off for this post

Hubb-e-Dunya say too bacha Ya Rabb Aashiq-e-Mustafa bana Ya Rabb
Kar day Hajj ka sharaf ata Ya Rabb sabz Gumbad bhi day dikha ya Rabb
Ye teri hi to inayat ke mujh ko Makkay bula lia ya Rabb
Aaj hay roo baroo meray kaaba silsla hay Tawaf ka Ya Rabb
Abar barsa day Noor ka ko loon barash-e-Noor man naha Ya Rabb
Kaash! Lab par meray rahay jari Zikr Aathoon pahar tera Ya Rabb
Chasham-e-tar aur qal’b-e-mujtar day Apni ulfat ki may pila Ya Rabb
Naf’s-o-shaitan ho gay Galib un kay chungal say too churha Ya Rabb
Kar kay Toba man phir gunahoon man ho hi jaata hon mubtala Ya Rabb
Neem jan kar dia gunahoon nay mardh-e-isyan say day shifa Ya Rabb
Kis kay dar man jaoun ga mola gar to Naraz ho giya Ya Rabb
Waqat-e-Rihlat ab Aa gaya Mola Jalwa-e-Mustafa dikha Ya Rabb
Qabar man aah ghup andhaira hay Roshni ho pay Raza ya Rabb
Sanp liptain na meray lashay say qabar man kuch na day saza Ya Rabb
Noor-e-Ahmad say Qabar roshan ho Wahshat man mera ho ga kia Ya Rabb
Kar day Jannat man too jawar un ka
Apnay Attar ko ata Ya Rabb

Comments are off for this post

Amal ka ho jazba ata ya Ilahi
Gunahoon say mujh ko bacha ya Ilahi

Man panchoon Namazain parhoon ba jamat
Ho tofeeq ayesi ata ya Ilahi

Man parhta rahoon Sunatain, Waqat hi par
Hoon saray Nawafil ada Ya Ilahi

Day shauq-e-Tilawat day Zauq-e-Ibadat
Rahoon ba Wudhu man sada Ya Ilahi

Hamaishah Nigahoon ko apni jhuka kar
Karoon Khashiyana Dua Ya Ilahi

Na Naiki ki Dawat man susti ho mujh say
Bana shayeq-e-Qafila Ya Ilahi

Saadat milay Dars-e-Faizan-e-Sunnat
Ki rozana do martaba Ya Ilahi

Man Mittey kay sadah bartan man khaoun
Chitaye ka ho bistra Ya Ilahi

Hay Aalim ki khidmat yaqeenan saadat
Ho tofeeq is ki ata Ya Ilahi

Sada-e-Madeenah doon rozana Sadqa
Abu Bakar-o-Farooq ka Ya Ilahi

Man neechi nigahain rakhoon kaash! Aksar
Ata kar day sharm-o-Hayya Ya Ilahi

Hamaishah karoon kaash parday man pardah
Too paikar Hayya ka bana Ya Ilahi

Libas sunatoon say ho Aarasta aur
Imama ho sar par saja Ya Ilahi

Sabhi musht darhey-o-gaisoo sajayen
Banain aashiq-e-Mustafa Ya Ilahi

Har ik Inaam aye kaash! Paoun
Karam kar paye Mustafa Ya Ilahi

Ho Akhlaq acha ho kirdar suthra
Muttaqi too bana Ya Ilahi

Gusailay mizaj aur Tamaskhur ki khaslat
Say Attar ko too bacha Ya Ilahi

Comments are off for this post

Mita meray ranj-o-alam Ya Ilahi Ata kar mujhay apna gam Ya Ilahi
Sharab-e-Mahabbat kuch aeysi pila day kabhi bhi nasha ho na kam Ya Ilahi
Mujhay Apna aashiq bana kar bana day Too sartapa Tasweer-e-Gam Ya Ilahi
Faqat Tera Talib hoon har giz nahi hoon Talabgar-e-jaah-o-Hasham Ya Ilahi
Na day Taaj-e-shahi na day badshahi bana day gada-e-Haram Ya Ilahi
Jo ishq-e-Muhammad man Aansoo bahaye Ata kar day wo chashm-e-Nam Ya Ilahi
Sharaf Hajj ka daiday chalay Qafila phir Mera Kaash! Soo-e-Haram Ya Ilahi
Dikha day Madeenay ki galiyan Dikhaday Dikha day Nabi ka Haram Ya Ilahi
Chalay jaan Is shan say kaash ye sar dar-e-Mustafa pe ho kham Ya Ilahi
Mera sabz Gumbad kay saye man Niklay Muhammad kay Qadmoon man Dam Ya Ilahi
Ibadat man lagta nahi dil hamara han isyan man badmast ham Ya Ilahi
Mujhay daiday Iman par istiqamat pay sayyid-e-Muhtasham Ya Ilahi
Meray sar pe isyan ka bar Aah Mola! Barha jata hay dam badam Ya Ilahi
Zameen bojh say meray phatatey nahi hay Ye tera hi to hay karam Ya Ilahi
Mujhay Naar-e-Dozakh say dar lag raha hay ho mujh Natuwan par karam Ya Ilahi
Sada kay liye ho ja Raazi Khudaya Hamaishah ho Lutuf –o-Karam Ya Ilahi
Too Attar ko bay sabab bakhshash mola
Karam kar Karam kar Karam Ya Ilahi

Comments are off for this post

Man makkay man phir aa giya ya Ilahi karam ka teray shukriya ya Ilahi
Na kar rad koi Iltija ya ilahi ho maqbool har ik Dua ya Ilahi
Rahay Zikr Aathoon pahar meray lab par tera ya Ilahi tera Ya Ilahi
Meri zindagi bas teri bandage man hi aye kaash! Guzray sada ya Ilahi
Na hoon ashak barbad dunya kay Gam man Muhammad kay Gam man Rula Ya Ilahi
Ata kar day Ikhlas ki mujh ko Nemat na nazdeek Aaye Riya Ya Ilahi
Muhjhay olya ki Muhabbat Ata kar Too Deewana kar Gauth Ya Ilahi
Man Yad-e-Nabi man Rahoon Gum hamaishah mujhay un kay Gam man ghula Ya Ilahi
Meray bal bachoon pe saray qabeelay pe Rahmat ho teri sada Ya Ilahi
De Deewanoon balke sabhi ko Madeenay ka Gam Ya Khuda Ya Ilahi
Khudaya Ajal aakay sar par kharhey hay dikha jalwa-e-Mustafa Ya Ilahi
Meri Laash say saanp bichoo na liptain Karam bahar-e-Ahmad Raza Ya Ilahi
Too Attar ko sabz-e-Gumbad kay saye
Man kar day shahadat Ata Ya Ilahi

Comments are off for this post

Too nay mujh ko Hajj pe Bulaya Ya ALLAH Meri jholi bharday
Gird-e-kaba khoob phiraya Ya ALLAH Meri jholi bharday
Maidan-e-arfat dikhaya Ya ALLAH Meri jholi bharday
Bakhsh day har haji ko Khudaya Ya ALLAH Meri jholi bharday
Bahar-e-Kausar-o-beer-e-Zam Zam Kar day karam aye Rabb-e-Akram
Hashar ki Piyas say Mujh ko Bachana Ya ALLAH Meri jholi bharday
Mola mujh ko Naik Bana day Apni ulfat dil man Basa day
Bahar-e-Safa aur bahar Marwa Ya ALLAH Meri jholi bharday
Ya ALLAH Ya Rahman Ya Hannan Ya Mannan
Bakhash day bakhshay huwoon kka Sadqa Ya ALLAH Meri jholi bharday
Wasta Nabiyoon kay sarwar ka Wasita Siddique aur Umar ka
Wasta Usman-o-Haidar ka Ya ALLAH Meri jholi bharday
Naar-e-Jahannam say too bachana Khuld-e-bareen man mujh ko basana
Ya Rabb az pay Abu Haneefa Ya ALLAH Meri jholi bharday
Sail hoon man Teri wila ka Phair day Rukh har ranj-o-bala ka
Wasta shah-e-Karb-o-bala ka Ya ALLAH Meri jholi bhardo
Jis dam Soo-e-Tayyebah safar ho Aankhain tar hoon phatata jigar
Jannat man Aaqa ka parhosi
Ban jaye Attar ilahi
Bahar-e-Raza-o-Qutub-e-Madeenah
Ya ALLAH Meri jholi bharday

Comments are off for this post

Ya Rabb phr aoj par ye hamara Naseeb ho
Soo-e-Madeenah phir hamain jana Naseeb ho

Makkah bhi ho Naseeb Madeenah Naseeb ho
Dasht-e-Arab Naseeb ho Sihra Naseeb ho

Hajj ka safar phir aye meray Aaqa Naseeb ho
Arfat ka mina ka Nizara Naseeb ho

Allah! Deed Gumbad-e-khazra Naseeb ho
Ya Rabb ! Rasool-e-Pak ka jalwa Naseeb ho

Chomoon arab ki wadian aye kash ja kay phir
Sihra man un kay ghoomna phirna Naseeb ho

Kabay kay jalwoon say dil Mujtar ho shad phir
Lutuf-e-Tawwaf khan kaba Naseeb ho

Comments are off for this post

Ya Rabb Muhammad meri taqdeer jaga day
Sahraye Madeenah Mujhay Aankhoon say dikhaday

Peecha mera Dunya ki Muhabbat say churha day
Ya Rabb! Mujhay deewana madeenay ka bana day

Rota huwa jis dam man dar-e-Yar pe puhunchoon
Us waqat mujhay jalwa-e-mahboob dikha day

Dil ish’q-e-Muhammad man tarhpna rahay har dam
Seenay ko Madeenah meray Allah Bana day

Behte Rahay har waqat jo sarkar kay Gam man
Roti hui wo Aankh Mujhay meray Khuda day

Ieman pe day maut Madeenay ki Gali man
Madfan mera Mahboob kay Qadmoon man Bana day

Ho bahar-e-dhiya nazar-e-Karam sooye-e-Gunahgar
Jannat man Parhosi Mujhay Aaqa ka bana day

Daita hoon tujhay wasta man Piyaray Nabi ka
Ummat ko Khudaya Rah-e-Sunnat pe chala day

Attar say Mahboob ki Sunnat ki lay Khidmat
Danka ye Teray Deen ka Dunya man baja day

ALLAH milay Hajj ki isi Sal Sa’adat
Attar ko phir roza-e-Mahboob dikhaday

Comments are off for this post

Har khata to dar guzar kar baikas-o-Majboor ki
Ya ilahi ! Magfirat kar baikas-o-Majboor ki

Ya Ilahi! Kar day poori az paye Gauth-o-Raza
Aarzoo-e-Deed sarwar baikas-o-Majboor ki

Zindgi aur Moat ki hay Ya Ilahi kshmakash
Jaan chalay Teri Raza par Baikas-o-Majboor ki

Aala Ilyeen man ya Rabb! Usay daina jaga
Rooh Chalday jab nikal kar baikas-o-Majboor ki

Ya khuda Poori Tamanna ho baqee’a Pak ki
Az panay Hussain-o-Heyder baikas-o-Majboor ki

Wasta Noor-e-Muhammad ka Tujhay piyaray Khuda !
Gaur-e-Tairah kar Munawwar baikas-o-Majboor ki

Aap kay Methay Madeenay man paye Gauth-o-Raza
Hazri Ho Ya Nabi! Har baikas-o-Majboor ki

Amina kay lal! Sadqa Fatima Lal ka
Door Sari Aaftain kar baikas-o-Majboor ki

Naf’s-o-Shaitan Galib Aye lo khabar ab jald tar
Ya Rasool Allah ! Aa kar baikas-o-Majboor ki

Jis kisi ne bhi Dua kay wastay Ya Rabb! Kaha
Kar day Poore Aarzoo har baikas-o-Majboor ki

Bahar shah-e-karbala ho door Aaqa har bala
Aye Habeeb Rabb-e-Dawar! Baikas-o-Majboor ki

Aap Khud Tashreef Laye Apnay Baikas ki Taraf
Aah jab nikle Tarhap kar baikas-o-Majboor ki

Aye Madeenay kay musafir! To kahani dard ki
Un say kehna Khoob Ro kar baikas-o-Majboor ki

Haal Bigrha! Rooh Tarhpi jab Madeenah chut gaya
Jaan thi Ghamgin-o-Muj’tar baikas-o-Majboor ki

Aap kay Qadmoon man Gir kar Maot ki Ya Mustafa ﷺ
Aarzoo Kab Aayegi bar? Baikas-o-Majboor ki

Nama-e-Attar man Husun-e-Amal koi Nahi
Laaj rakhna roz-e-Mahshar baikas-o-Majboor ki

Comments are off for this post

Aye Madeenay kay Tajdar Tujhay ahl-e-Eiman salam kehtay han
Teri Ushaq Teray deewanay, jan-e-Janan salam kehtay han
Teri furqat man bay qarar han jo Tayyibah say dil fagar han
Wo talabgar-e-deedar ro ro kar aye meri Jaan salam kehtay han
Jin ko Dunya kay Gam satatay han Thokrain dar badar jo khatay han
Gam Naseeboon kay charah gar tum ko wo paraishan salam kehtay han
Ishq-e-sarwar man jo Tarhptay han Haziri kay liye machaltay han
Izin-e-Tayyibah ki Aas man Aaqa wo pur arman salam kehtay han
Teri rozay ki Jaliyoon kay Qareen sari dunya say meray sar dardeen
Kitnay Khush bakhat roz Aa Aa kar teray Mehman Salam kehtay han
Aarzoo-e-Haram hay seenay man ab to bulwaye Madeenay man
Tujh say Tujh hi ko Mangtay han jo wo Muslman Salam kehtay han
Aap Attar kioon piraishan han Aasiyoon par bhi wo mehrban han
Wo karam khas un par kartay han jo Muslman Salam kehtay han

Comments are off for this post

Thandi Thandi hawa Madeene ki
Mehkey mehkey Fiza Madeene ki
Aarzoo hay Khuda Madeenae ki
Mujh ko Galian Dikha Madeene ki
Din hay kesa Munawwar wa Roshan
Raat Ronaq Fiza Madeene ki
Chaon to har jaga ki thandi par
Dhoop bhi Dilruba madeene ki
Hay paharoon par Noor ki chadar
Wadian Dil kusha Madeene ki
Kiyoon ho Mayoos Aye Mareezo tum
Lay lo Khak-e-Shifa madeene ki
Koi Nakam Loutata hi nahi
Raah lay Aye Gada Madeene ki
Meri Qismat main Katib Taqdeer
Likh day likh day Qaza Madeene ki
Ja kay Attar phir Madeene main
Rahmatain Loutana Madeene ki

Comments are off for this post