خلدِ بریں خوب ہے آراستہ
فرش سے تا عرش ہے پیراستہ
آؤ چلے آؤ بڑھاتے قدم
دیر سے مشتاق ہیں آمد کے ہم
اے میرے محبوب سلامٌ علیک
اے میرے مطلوب سلامٌ علیک
آؤ چلے آؤ کہ قدسی تمام
باندھے ہوئے صف ہیں برائے سلام
آؤ چلے آؤ کہ رضوانِ خلد
تم پہ تصدیق کرے سامانِ خلد
اے مرے محبوب سلامٌ علیک
اے میرے مطلوب سلامٌ علیک
یہ تو بیاں ہے شبِ معراج کا
ذکر رسولوں کے ہے سرتاج کا
کیا کہے بے چارہ امیر فقیر
جب کہے خود ربِ جلیل و قدیر
اے میرے محبوب سلامٌ علیک
اے میرے مطلوب سلامٌ علیک
