Ye zameen ye falak in say aagay talak jitne dunyien han
Sab man teri jhalak sab say lakin juda
Har sahar phootatey he naye rang say, sabza wa gul khilain seena sang say
Goojta hay jahan teri aahang say
Jis ne ki justujoo mil gaya us ko too sab ka Rahnuma
Aye Khuda Aye Khuda
Har sitaray man Aabad hay ik jahan, chand, Sooraj teri Roshni kay Nishan
Pathroon ko bhe too ne A’ta ki Zuban
Janwar, Aadmi kar rahay han sabhi teri Hamd-o-Sana
Aye Khuda Aye Khuda
Noor hi Noor bikhra hay kalak nahi, doosra koi Hadd-e-Guman tak nahi
Laakh hoon Soortain aik hi rang man too hay jalwa numa
Aye Khuda Aye Khuda
Sonp kar mansab-e-Aadmiat mujhay too ne bakhashe hay Apni khilafat mujhay
Shouq sajda bhi kar ab inayat mujhay
Hay mera sar teri dehleez par hay yehi Iltija
Aye Khuda Aye Khuda

Comments are off for this post

Koi to hay jo nizam-e-Hasti chala raha hay wo hi khuda hay
Dikhaye bhi jo na day , nazar bhi jo Aa Raha hay wo hi khda hay
Wo hi hay mashriq , wo hi hay magrib , safar Karain sab usi ki janib
Har aayenay man jo akas apna dikha raha hay wo hi khuda hay
Talash us ko na kar Butoon man wo hay badaltey hoi Rutoon man
Jo din ko raat aur raat ko din bana raha hay wo hi khuda hay
Kisi ko sochoon nay kab saraha? Wo hi huwa jo khuda nay chaha
Jo ikhtiar-e-bashar pe pehray bitha raha hay wo hi khdua hay
Nazar bhi rakhay , sam’atain bhi , wo jan laita hay wo hi khuda hay
Kisi ko Taaj-e-waqar bakhashay , kisi ko Zillat kay Gar bakhashay
Jo sab kay hathoon pe mehr-e-qudrat laga raha hay wo hi khuda hay
Sufaid us ka sayyah us ka nafs nafs hay gawah us ka
Jo shula jan jala raha hay, bujha raha hay wo hi khuda hay

Comments are off for this post