Guzray jis raah wo sayyid-e-waala ho kar

Guzray jis raah wo sayyid-e-waala ho kar
Rah gaye saari zameen anbar-e-saara ho kar

Rukh-e-anwar ki tajalli jo qamar nay dekhi
Rah gaya bosah dah-e-naqsh-e-kaf-e-paa ho kar

Waye mahroomi qismat kay hain phir ab ki baras
Rah giya hamrah-e-zawwar-e-Madeenah ho kar

Chaman-e-Tayyibah hay wo baag ke murg-e-sidrah
Barsoon chehkay hain jahan bulbul-e-shaida ho kar

Sarsar-e-dasht-e-Madeenah ka magar aaya khiyaal
Rashk-e-gulshan jo bana guncha-e-dil wa ho kar

Gosh-e-shah kehtay hain faryaad rasi ko ham hain
Wada-e-chasham hay bakhshayen gay goya ho kar

Paye shah par giray ya rabb tapash-e-mahar say jab
Dil-e-bay taab urhay hashar man para ho kar

Hay umeed-e-Raza ko teri rahmat say shaha
Na ho zindani dozkh tera bandah ho kar