Kia shor Zik’r-o-fik’r, dua panjgana kia

Kia shor Zik’r-o-fik’r, dua panjgana kia
Aata nahin hay ish’q man Aanso bana kia

Aankhain bhi ashkbar han lab par Durood bhi
Rahmat ko ab bhi chaiye koi bahana kia

Rakha jo haath seenay pe dharhkan nahin mili
Dil, ho giya Madeenay ki janib Rawana kia?

Wo bhi han Aastan bhi hay, kar day Nisar jaan
Phir lot kar ab ayega ayesa zamana kia

Moosa ka Haal man’e-e-Hasrat huwa hamain
Taab-e-nazar nahin ho to nazrain uthana kia

Tasbeeh danay danay Musalla hay taar taar
Aaya hay khanqah man koi dawana kia

Darta hay kis liye gam-e-doraan say raat dn
Paala nahi hay to nay Gam-e-aashiqana kia

Ye marhalah hay zeest ka tay kar usay abhi
Ab mar kay hoga soo-e-Madeenah rawana kia

Deedar bhi Huzoor ka, kausar ka jaam bhi
Daikho Qaseedah likh kay mila hay khazanah kia

Sar ko jhuka dia jo dar-e-yaar par adeeb
Jab tak Qaza na aaye to sar ko uthana kia