میرے نبی پیارے نبی ہے مرتبہ بالا تیرا

میرے نبی پیارے نبی ہے مرتبہ بالا تیرا
جس جا کوئی پہنچا نہیں دیکھا وہاں جلوہ تیرا
یا سرور دنیا و دین تجھ سا نبی کوئی نہیں
بعد از خدا اے مہ جبیں ثانی نہیں واللہ تیرا
خیرات دیتا ہے خدا ہر وقت تیرے نام کی
جس کو ملا جو کچھ ملا جتنا ملا صدقہ ترا
یا مصطفی یا مجتبی بھر دیجئے کاسہ مرا
کردو کرم رکھ لو بھرم ہوں میں داتا ترا
محبوب رب،امی لقب ،مجھ کو سکوں کی ہے طلب
نظر عطا،مشکل کشا ،مشکل میں ہے بندہ تیرا
اے باعث ارض و سما ،چشم کرم برحال ما
دیکھے نیازی پھر شہا ،وہ گنبد خضرٰی تیرا