تیری خیر ہو وے پہر ے دارا!

تیری خیر ہو وے پہر ے دارا! روضے دی جالی چُم لین دے
اساں ویکھاو ایں رب دا نظارا، روضے دی جالی چُم لین دے

نہ او طور، نہ عر شِ معلّی، اوتھے ہر ویلے رب دا تجلّٰی
ایہہ محمد دا پاک دوارا ،روضے دی جالی چم لین دے

ساڈے مولٰی نے ایہہ دن دکھائے، آ کے ڈیر ے غریباں نے لائے
ایتھے رب دا حبیب پیارا، روضے دی جالی چم لین دے

اس ہر ے ہرے گنبد دی چھانویں ،اساں دیکھے رسولاں دے نانویں
تایوں جھکدا ایتھے جگ سارا ،روضے دی جالی چم لین دے

جدوں آون گیا ں اودی یاداں ، اساں رُو رُو کَر اں گے فر یاداں
جاندی واری تے سانوں خدارا ،روضے دی جالی چم لین دے

جہڑے نور دا رب شیدائی ،اودا صدقہ اے ساری خدائی
او سے نور دا ایتھے چمکارا روضے دی جالی چم لین دے

اساں مہماں ہاں گھڑی و پل دے لکھے لیکھ نہ مؔسلم ٹل دے
خبر آؤ ناں ہو وے نہ دوبارا روضے دی جالی چم لین دے