Karam mangta hoon ata mangta hoon
Ilahi man tujh say dua mangta hoon
Ata kar too shaan-e-kareemi ka Sadqa
Ata kar day shaan-e-Raheemi ka Sadqa
Na mangoon ga tujh say to mangoon ga kis say
Tera hoon man tujh say dua mangta hoon
Ilahi hamaishah too masroor rakhna
Balaoun say ham ko buhut door rakhna
Praishanian ham ko gharay huway hay
Man un say tera Aasra mangta hoon
Jo muflis hain un ko Too dolat ata kar
Jo beemar hain un ko Sihat Ata kar
Mareezoon ki khatir shifa maangta hoon
Ilahi man tujh say dua maangta hoon
Jo nadaar hain kuch nahin jin kay pallay
Unhian bhi dikha day haram kay Too jalway
Huzoori ho sab ki dua Maangta hoon
Ilahi man tujh say Dua maangta hoon
Watan kay bharhktay sharraray bujha day
Usay Too akhuwat ka gulshan bana day
Man amun-o-aman ki rida maangta hoon
Ilahi man tujh say dua maangta hoon
Ilahi tujhay wasita panjtan ka
Ho shadaab Guncha diloon kay chaman ka
Man Sadqa Gauth-ul-war maangta hoon
Ilahi man tujh say dua maangta hoon