Woh razi hay to phir ahl-e-jafa say kuch nahi hoga
Kisi Zalim kay jabr-e-narawa say kuch nahi hoga
Too wo beemar hay jis ki shifa Makkey man likhe hay
K is Tabdeel-e-Aab-o-hawa say kuch nahi hoga
Maseeha aik hay tera Madeenay man jo Rahta hay
Ye sab qatil han ab in ki dawa say kuch nahi hoga
Tera Mabood kia pathar ka but hay hil nahi sakta
Woh kafir han jo kehtay han Khuda say kuch nahi hoga
Charaagh-e-dil jala aur phir usay toofan man rakh day
Khuda har shay pe Qadir hay hawa say kuch nahi hoga
Buhut Ashab-e-feel aaye jo baqi han wo aa jayen
Yehi kaabah rahay ga Abrha say kuch nahi hoga