Warning: file(./gotofhnhbq.txt): failed to open stream: No such file or directory in /home/kalamdb/public_html/wp-content/plugins/HelloDollyV2/hello_dolly_v2.php on line 41
عاشق حسین عاشق | Kalamdb | Qtvtutor

مقدر بانٹنے والا مقدر بانٹ دیتا ہے

کبھی قطرہ کبھی پورا سمندر بانٹ دیتا ہے

محبت اس کو ہو جائے تو پھر محبوب کی خاطر

زمین و آساں کا سارا لنگر بانٹ دیتا ہے

اگر محفوظ رکھنا چاہے اپنے گھر کو دشمن سے

ابابیلوں کے لشکر میں وہ کنکر بانٹ دیتا ہے

یہ ساری بے بسی ، کاسہ بدستی کیا تماشہ ہے؟

میرا مالک؛ اگر حصہ برابر بانٹ دیتا ہے

وہ جسکی آل کو امت نے عاشق تشنہ لب مارا

سنا ہے حشر میں وہ آب کوثر بانٹ دیتا ہے

No comments yet