• Slide 1
  • Slide 2

موہنی آواز والے
غیب والے، راز والے
بے کسوں کے ناز والے
ہو کرم، اعجاز والے

یا نبی سلامٌ علیک
یا رسول سلامٌ علیک
یا حبیب سلامٌ علیک
صلوٰۃ اللہ علیک

سرورِ ہر دو جہاں ہو
غم گسارِ بے کساں ہو
رہنمائے رہبراں ہو
تم ہی میرِ کارواں ہو

یا نبی سلامٌ علیک
یا رسول سلامٌ علیک
یا حبیب سلامٌ علیک
صلوٰۃ اللہ علیک

ایک دیوانہ ملا تھا
پاؤں سب کے پڑ رہا تھا
ہو کے بیکل رو رہا تھا
دست بستہ کہہ رہا تھا

یا نبی سلامٌ علیک
یا رسول سلامٌ علیک
یا حبیب سلامٌ علیک
صلوٰۃ اللہ علیک