الٰہی ! میں ہوں بس خطاوار تیرا مجھے بخش ! دے نام غفار تیرا   مرض لادوا کی دوا کس سے چاہوں تو شافی ہے میرا ، میں بیمار تیرا   کہاں جائے ، جب کہ نہ ہو کوئی تجھ بِن کسے ڈھونڈے ، جو ہو طلب گار تیرا   خبر لیجیو ! میری اِس دم الٰہی کُھلے جب کہ بخشش کا بازار تیرا   نہ ڈر دشمنوں سے رہا مجھ کو جب سے کہا تو نے میں ہو مدد گار تیرا   الٰہی ! رہے وقت مرنے کے جاری بہ تصدیقِ  دل لب پہ اقرار تیرا   نہیں دونوں عالم سے کچھ مجھ کو مطلب تو مطلوب ، میں ہوں طلب گار تیرا   نہ ڈر فوجِ عصیاں سے ، گرچہ بہت ہے کہ ہے رحم حق کا مدد گار تیرا