Ahle-e-siraat rooh-e-ameen ko khabar karain jaati hay ummat-e-nabvi farsh par karain
In fitna haye hashar say kehdo hazar karain nazoon kay paalay aatay hain rah say guzar karain
Bad hain to aap kay hain bhalay han to aap kay tukrhoon say to yahan kay palay rukh kidhar karain
Sarkaar ham kameenoon kay atwaar par na jayen Aaqa Huzoor apnay karam par nazar karain
Un ki haram kay khaar kasheedah hain kis liye aankhoon man aayen sar pe rahain dil man ghar karain
Jaaloon pe jaal parh gay lillah waqat hay mushkil kushaye aap kay nakhun agar karain
Manzil karhi hay shaan tabassum karam karay taroon ki chaawon Noor kay tarhkay safar karain
Kilik-e-Raza hay khanjar khonkhuwaar barq baar aada say kehdo khair manayen na shar karain