الف اللہ چنبے دی بوٹی مرے من وچ مرشد لائی ہو
نفی اثبات دا پانی ملسیں،ہر رگیں ھرجائی ہو
ہرجا بوٹی مشک مچایا ، جان پھلن تےآئی ہو
جیوے مرشد کامل باہو جیں ایہ بوٹی لائی ہو
ایمان سلامت ھر کوئی منگے ، اتےعشق سلامت کوئی ہو
منگن ایمان شرماون عشقوں میرےدل نوں غیرت ہوئی ہو
جس منزل نوں عشق پچاوے ایماں نوں خبر نہ کوئی ہو
میرا عشق سلامت رکھیں باہو ایماں نوں دیواں دھروئی ہو
تن میرا چشماں ہووے تے میں مرشد ویکھ نہ رجاں ہو
لوں لوں دے مڈھ لکھ لکھ چشماں ہک کھولاں ہک کجاں ہوں
اتنا ڈٹھیاں مینوں صبر نہ آوے میں ہو رکتِے ول باَ ں ہو
مرشد دا دیدار باہو مینوں لکھ کروڑاں حجّاں ہو
بغداد شہر دی کیا نشانی جِتھے اُچیاں لایکں چیلاں ہو
تن من ساڈا پرزے پرزے جیوں درزی دیاں لیراں ہو
انہاں لیراں دی گل کفنی پا کے رل ساں سنگ فقیراں ہو
بغداد شہر دے ٹکڑے منگساں باہو کرساں میراں میراں ہو