Aye Saba Mustafa se keh dena , Gam ke marey Salam kehtay han
Yad kartay han Tum ko Shaam-o-Sahar , Dil hamaray Salam kehtay han
ALLAH ALLAH Huzoor ki batain Marhaba rang-o- Noor ki baatain
Chand jin ki balayen lata hay aur taray salam kehtay hain
ALLAH ALLAH Huzoor key gaisoo bheney bheney Mehkety wo Khushboo
Jis se mamoor hay fiza har soo wo Nizaray Salam kehtay han
Jab MUHAMMAD ka Naam Aata hay Rahmatoon ka Paigam Aata hay Lab hamaray Durood Parhtay hain Dil hamary Salam kehtay han .
Zayer-e-Taiyyba to Madinay main , Piaray Aaqa say Itna keh daina
Aap ki Gird-e- Rah ko Aaqa bay saharay Salam kehtay han
Zikr tha Aakhri Maheenay ka Tazkira chir gaya Madeenay main
Hajyio Mustafa se keh daina Gam kay maray Salam kehtay han
Aye Khuda ke Habeeb Piyaray Rasool ye hamara Salam kijiye Qabool
Aaj Mehfil main jitney Hazir hain mil kay saray Salam kehtay han.