رسولِ معظم سلامٌ علیکم
نبیِ مکرم سلامٌ علیکم

ثناء تیری کرتا ہے قرآں کے اندر
خدائے دو عالم ، سلامٌ علیکم

تیری یاد میں ایسی ساعت بھی آئے
میری آنکھ ہو نم سلامٌ علیکم

یہ رب کی عطا ہے، یہ رب کا کرم
ثناء خواں تیرے ہم سلامٌ علیکم

ہمیں ہے بھروسہ شفاعت پہ تیری
مٹا حشر کا غم سلامٌ علیکم

قیامت کے دن ساری مخلوق ہوگی
تیرے زیرِ پرچم سلامٌ علیکم

یہ دیکھا ہے اکثر ہوا دردِ فرقت
تیرے ذکر سے کم سلامٌ علیکم

لبوں پر رہے اس ریاضِ حزیں کے
تیرا ذکر ہر دم سلامٌ علیکم