Kisi ka teer Nazar dil kay paar ho kay raha
To dil nay dam bhi na mara Nisar ho kay raha

Tumhari sozan-e-majgan nay ki wo bakhia giri
Ke rakht-e-hasti mera tar tar ho kay raha

Tumharay rooye munawwar ki roshni ki qasam
Ke us say qalab-e-siyah jalwa bar ho kay raha

Khula to khana-e-dil man wo chup kay baith raha
Chupa to har jaga wo aashkar ho kay raha

Agar che hussun ki Hairat usay miley na miley
Magar wo ish’q ka aayenah dar ho kay raha