Aarzowon ka shajar day Ya khuda meray Khuda
Phir mujhay taza Thamar day Ya khuda meray Khuda

Thar Tharata hi Rahoon Teri jalal-o-khof say
Khasta dil aur chashm-e-tar day ya khuda meray Khuda

Sahan-e-Kaba man Tilawat aur karoon Tof-e-Haram
Mujh ko Pakeezah safar day ya Khuda meray khuda

Sab’z kirnoon ka ujala man utaroon Rooh man
Meri dil ko wo Nazar day ya khuda meray khuda

Man Ghareeb-e-shahar-e-dil hoon aur mugheelan-e-Jahan
Ik Gulaboon ka shajar day ya khuda meray khuda

Aansowon ki barashoon man Hamad kay ash’er hoon
Meray lafzoon man asar day Ya Khuda Meray Khuda

Dill kay Aangan man baharin Raqs karti hi rahain
Khushbowon ka wo nagar day Ya Kuda meray Khuda

Is ujagar ko bfaiz-e- Naat-e-jaami-o-Raza
Ik Kalam-e-Mutabar day Ya Khuda meray Khuda