شانِ رسالت مولي ڄاڻي ٻئي کي طاقت ناهي
مالڪ جو محبوب محمد ﷺڪونهي ڪنهن کان دور
نبي سائين نور آ نبي سائين نور آ

حضرت يوسفؑ لاءِ هئي هڪڙي زليخان ديواني
پر محبوب محمد ﷺ خاطر هر دل آ مستاني
حُسن حبيب ڪريم کي مولٰي ڏئي ڇڏيو ڀرپور

جڏهن پڙهون ٿا درود سڄڻ تي پان درود ٻڌن ٿا
روضي اطهر پاڪ منجهان ان جو جلد جواب به ڏين ٿا
ڇو نه چوان مان سهڻو محمد ﷺ زنده آهي ضرور

تنهنجو منهنجو هِت هُت حامي حسن حسين جو نانو
مالڪ عطا ڪيو آ جنهن کي غيبي علم جو خزانو
جنهن جي سامهون آ هر هڪ شي ويجهو آ يا دور

سهڻي محمد ﷺ جي آئي ٿي ويون سڀ سڻايون
تون مان ان محبوب جون ويهي اڄ ٿا نعتيون ڳايون
نثار ڪٻر آ هنن جي صدقي ملڪن ۾ مشهور