Warning: file(./gotofhnhbq.txt): failed to open stream: No such file or directory in /home/kalamdb/public_html/wp-content/plugins/HelloDollyV2/hello_dolly_v2.php on line 41
حقیقت میں ہو سجدہ جبہ سائی کا بہانہ ہو | Kalamdb | Qtvtutor

حقیقت میں ہو سجدہ جبہ سائی کا بہانہ ہو

حقیقت میں ہو سجدہ جبہ سائی کا بہانہ ہو

الٰہی میرا سر ہو اور ان کا آستانہ ہو

تمنا ہے کہ میری روح جب تن سے روانا ہو

دم آنکھوں میں ہو اور پیش نظر وہ آستانہ ہو

زباں جب تک ہے اور جب تک زباں میں تاب گویائی

تری باتیں ہوں تیرا ذکر ہو تیرا فسانہ ہو

مری آنکھیں نہیں آئینۂ حسن روئے صابر کا

دل صد چاک ان کی عنبریں زلفوں کا شانہ ہو

بلا اس کی ڈرے پھر گرمیٔ خورشید محشر سے

ترے لطف و کرم کا جس کے سر پر شامیانہ ہو

انہیں تو مشق تیر نازکی دھن ہے وہ کیا جانیں

کسی کی جان جائے یا کسی دل کا نشانہ ہو

نہ پوچھ اس عندلیب سوختہ ساماں کی حالت کو

قفس کے سامنے برباد جس کا آشیانہ ہو

سر بیدمؔ ازل کے دن سے ہے وقف جبیں سائی

کسی کا نقش پا ہو اور کوئی آستانہ ہو


Warning: Use of undefined constant php - assumed 'php' (this will throw an Error in a future version of PHP) in /home/kalamdb/public_html/wp-content/themes/bulletin/urdu-single.php on line 46