Kiya Husn-e-iftikhar hey Yaad-e-Husaiyn meyn,
Har ash’q ik bahaar hey Yaad-e-Husaiyn meyn
Darbar-e-Mustafa ki fazeelat na poochhiye,
Insaan ka Waqaar hey Yaad-e-Husaiyn meyn
Har ash’q kalima parhtey heyn bar Deen-e-Mustafa,
Kiya Hus’n-e-yaadgaar hey yaad-e-Husaiyn mein
WALLAH sar ba sar hey wo Eiman ka Sukoon,
Jo qal’b-e-Beqaraar hey yaad-e-Husaiyn meyn
Dil zindagi meyn kaiyse na ho khul’d aashiyaan,
Islaam ki bahaar hey yaad-e-Husaiyn mein