کوئی قسمت والا بن دا اے مہان مدینے والے دا
ہوندا اے کرم خوش بختاں تے سلطان مدینے والے دا
عرشی بے چین سلامی نوں فرشی بے چین غلامی نوں
اللہ ہی بہتر جاندا اے کی شان مدینے والے دا
سر کار دے منّن والیاں دی تاریخ گواہی دیندی اے
کر دا اےحکومت دنیا تے دربان مدینے والے دا
طیبہ دے مسافر چلّے نیں سوہنے دے در ولےّ نیں
سوہنے دِیاں یا داں پلّے نیں سامان مدینے والے دا
سینے وچ یاد مدینے دی لباں تے نام محمد ﷺدا
میرے تے ظہؔوری ڈاڈھا اے احسان مدینے والے دا