Meray dil man Yaad-e-MUHAMMAD meray hontoon pe Zikr-e-Madeenah
Taajidar-e-Haram kay karam say Aa gaya Zindagi ka Qareena
Dil shikasta hay mera to kia gam us man rahtay han shah-e-do Aalam
Jab say mehman huway han wo dil mera ban gaya hay Madeena
Man gulam-e-Gulaman-e-Ahmad man sag Aastan-e-MUHAMMAD
Qabl-e-fakhar hay muat meri qabil-e-Rashak hay mera jeena
Har khata par meri chash poshi har talab par ataon ki barash
Mujh gunahgar par kis qadar han mehrban Tajidar-e-Madeenah
Mujh ko Toofan ki mojoon ka kia Dar wo guzar jaye ga Rukh badal kar
Na khuda han meray jab MUHAMMD kesay Doobay ga mera safeenah
In ky chashm-e-karam ki ata hay meray seenay man un ki Zia hay
Yaad-e-Sultan-e-Taiyybah kay Sadqay mera seena hay misil-e-Nageenah
Chal madeenay ko chal Gam kay maray Zindagi ko milain gay saharay
Aagaya hay haram say bulawa koach kartay han soye Madeenah
Dolat-e-ishaq say dil Gani hay meri Qismat hay Rashaq-e-Sikandar
Madhat-e-Mustafa ki badolat mil gaya hay mujhay ye khazeenah