Teray Zik’r say meri Aabroo Teri shan Jall Jalalahu
Too meray kalaam ka rang-o-boo Teri shan Jall Jalalahu
Jo chatak kay guncha khilay yahan to karay wo was’f tera bayaan
Hay chaman chaman teri guftugoo teri shaan Jall Jalalahu
Meray dil man Ish’q-e-Nabi dia jo dia bujha tha Jala dia
Jisay chahay jaisay Nawaz to Teri shaan Jall Jalalahu
Jo Talab ka bhaid hain jantay wo tujhi ko tujh say han mangtay
Jo tairay huway han unhi ka Too Teri shaan Jall Jalalahu
Ye adab Adeeb man tha kahan Teri shaan karta jo yoon bayan
Hay teray karam say ye surkhuroo Teri shaan Jall Jalalahu