الف اللہ چنبے دی بوٹی مرے من وچ

الف اللہ چنبے دی بوٹی مرے من وچ مرشد لائی ہو
نفی اثبات دا پانی ملیا ھررگِ ھرجائی ہو
اندر بوٹی مشک مچایا جان پھلن تےآئی ہو
جیوے مرشد کامل باہو جیں ایہ بوٹی لائی ہو
ایمان سلامت ھر کوئی منگے عشق سلامت کوئی ہو
منگن ایمان شرماون عشقوں دل نوں غیرت ہوئی ہو
جس منزل نوں عشق پچاوے ایمان نوں خبر نہ کوئی ہو
میرا عشق سلامت رکھیں باہو ایمانوں دیا دھروئی ہو
ایہ تن میرا چشماں ہووے تے میں مرشد ویکھ نہ رجاں ہو
لوں لوں وے مڈھ لکھ لکھ چشماں ہک کھولاں کجاں ہوں
اتنا ڈٹھیاں صبر نہ آوے ہو رکتے دل بجھاں ہو
مرشد دا دیدار ہے باہو مینوں لکھ کروڑاں حجاں ہو
بغداد شہر دی کی اے نشانی اچیاں لمیاں چیراں ہو
تن من میرا پرزے پرزے جیون درزی دیاں لیراں ہو
اینہاں لیراں دی لگ کفنی پا کے رل ساں سنگ فقیراں ہو
بغداد شہر دے ٹکڑے منگساں باہو کرساں میراں میراں ہو