Azal say koi Nizaam sara chala raha hay wohi khuda hay

Azal say koi Nizaam sara chala raha hay wohi khuda hay
Nabi ka Sadqa jo har kisi ko khila raha wohi khuda hay

Nujoom say Pur falak ki chadar usi Musawwir ka hay karishma
Jo chand sooraj ko Aasman par saja raha hay wohi Khuda hay

Hay Piar kitna Nabi say Rabb ko Banaya hay Kia kisi ko ayesa
Jo laamakan par bhi Mustafa ko bula raha wohi Khuda hay

Dua Tarhap kar Too kar Munawwar keh daikh lay phir Huzoor ka dar
Qubool kar kay dua jo Tayyibah dikha raha hay wohi Khuda hay