Warning: file(./gotofhnhbq.txt): failed to open stream: No such file or directory in /home/kalamdb/public_html/wp-content/plugins/HelloDollyV2/hello_dolly_v2.php on line 41
منور علی عطاری | Kalamdb | Qtvtutor

ازل سے کوئی نظام سارا چلا رہا ہے وہی خدا ہے
نبی کا صدقہ جو ہر کسی کو کھلا رہا ہے وہی خدا ہے

نجوم سے پُر فلک کی چادر اسی مصور کا ہے کرشمہ
جو چاند سورج کو آسماں پر سجا رہا ہے وہی خدا ہے

ہے پیار کتنا نبی سے رب کو بنایا ہے کیا کسی کو ایسا
جو لامکاں پر بھی مصطفٰے کو بلا رہا ہے وہی خدا ہے

دعا تڑپ کر تُو کر منور کہ دیکھ لے پھر حضور کا در
قبول کر کے دعا جو طیبہ دکھا رہا ہے وہی خدا ہے

شاعر :منور علی عطاری

No comments yet

در پیش ہو طیبہ کا سفر کیسا لگے گا
گزریں جو وہاں شام و سحر کیسا لگے گا

اۓ پیارے خدا !دیکھوں میں سرکار کا جلوۂ
مل جائے دُعا کو جو اثر کیسا لگے گا

یوں تو گزارتے ہیں سبھی زندگی لیکن
دربارِ نبی میں ہو بسر کیسا لگے گا

طیبہ کی سعادت تو یوں پاتے ہیں ہزاروں
مرشِد کے ساتھ ہو جو سفر کیسا لگے گا

اۓ کاش !مدینے میں مجھے موت یوں آئے
قدموں میں ہو سرکار کے سر کیسا لگے گا

جس در پہ شہنشاہوں نے بھی دامن ہیں پسارے
ہر سال وہاں جاؤں اگر کیسا لگے گا

پائی ہے منؔور نے قضا در پہ نبی کے
آجا کے وطن ایسی خبر کیسا لگے گا

شاعر :منور علی عطاری

No comments yet

نہ کہیں سے دور ہیں منزلیں، نہ کوئی قریب کی بات ہے
جسے چاہے اس کو نواز دے، یہ درِ حبیب کی بات ہے

جسے چاہا در پہ بلا لیا ،جسے چاہا اپنا بنا لیا
یہ بڑے کرم کے ہیں فیصلے یہ بڑے نصیب کی بات ہے

وہ بھٹک کے رَاہ میں رِہ گئی، یہ مچل کے در سے لپٹ گئی
وہ کسی امیر کی شان تھی، یہ کسی غریب کی بات ہے

میں بُروں سے لاکھ براسہی مگر اُن سے ہے مِرا واسطہ
مِری لاج رکھ لے مِرے خدا ،یہ تِرے حبیب کی بات ہے

تجھے اۓ مؔنوّر بے نوا درشہ سے چاہیے اور کیا
جو نصیب ہو کبھی سامنا تو بڑے نصیب کی بات ہے

شاعر :منور علی عطاری

No comments yet