Naam Rabb e Anaam Hai Tera
Har Jagah Faiz Aam Hai Tera
Laa Makaani Hai Tera Wasf Magar
Qalb e Momin Maqaam Hai Tera
Tu Khaaliq Hai Tu Hi Maalik Hai
Jo Bhi Kuchh Hai Tamaam Hai Tera
Teri Marzi Kabhi Nahiñ Talti
Kitna Kamil Nizam Hai Tera
Jo hai Mushkil Kusha Ba-har Aalam
Mere Maula Woh Naam hai Tera
Tajurboñ Ne Yahi Bataaya Hai
Mehrbaani Hi Kaam Hai Tera
Lab-e ‘Khalid’ Ki Jaag Uthi Qismat
Tazkira Sub’ho Shaam Hai Tera