Nabii kaa naam jab mere labo.n par raqs karataa hai
lahuu bhii mere shiryaano.n ke andar raqs karataa hai
merii bechain aa.nkho.n me.n jab vo tashriif laate hai.n
musavvir un ke daaman se lipaT kar raqs karataa hai
vo sahraa.o.n me.n bhii paanii pilaa dete hai.n pyaaso.n ko
ki un kii u.ngliyo.n me.n bhii samundar raqs karataa hai
pa.De hai.n naqsh-paa-e-mustafaa ke haar gardan me.n
jabhii to ruuh lahraatii hai paikar raqs karataa hai
zamiin-o-aasmaa.n bhii apne qaabuu me.n nahii.n rahte
ta.Dap kar jab mohammad kaa qalandar raqs karataa hai
lagii hai bhii.D us ke gird ye kaisii farishto.n kii
ye kis kaa naam le-le kar ‘muzaffar’ raqs karataa hai