رحمت دا دریا الٰہی ہر دم و گدا تیرا

رحمت دا دریا الٰہی ہر دم و گدا تیرا
جے اِک قطرہ بخشے مینوں کم بن جاوے میرا
اللہ نبی دا نام لئے اللہ نبی دا

جے میں ویکھا ں عملاں ولّے کچھ نئیں میرے پلّے
جے میں ویکھاں رحمت رب دی بلّے بلّے بلّے
اللہ نبی نام لئے اللہ نبی دا

خَس خَس جِاّنں قَدر نہ میرا، صاحب نوں وڈیا ئیاں
میں گلیاں دا روڑا کوڑا ،محل چڑھائیاں سائیاں
اللہ نبی نام لئے اللہ نبی دا

میں نیواں مرا مُرشد اُچّا، اُچّیاں سنگ میں لائی
صدقے جانواں اِیناں اُچّیاں تائیں، جِناں نیوئیاں سنگ نِھاسنئی
اللہ نبی نام لئے اللہ نبی دا

مُرشِد دے دُو ارے اُتّے محکم لائیے چوکاں
نَوَیں نَوَیں نہ یار بنائیے وانگ کمینئیاں لوکاں
اللہ نبی نام لئے اللہ نبی دا

چپ رَہ سیں تے موتی مِل سَن، صبر کریں تا ںہیرے
پاگلاں وانگوں رَولا پاویں، نہ موتی نہ ہیرے
اللہ نبی نام لئے اللہ نبی دا
آقا! سَدلو مدینے، تے ٹُر گئے کنِّے سفینے
تے سَدلو سب نُوں مدینے ،تے سَدلو اَیسّے مہینے
اللہ اللہ کہو اللہ اللہ

پاک محمد ﷺ نیں پیارے ،دو جہاناں دے سہارے
عرش وی صَلّ علٰے پکارے ،تے رل مل کرو دعاواں
مدینے نوں جائیے سارے
اللہ اللہ کہو اللہ اللہ

دِل دیاں سد راں لئَےکے، مدینے نُوں میں جاواں
جاکے حال سُناواں ،تے سنگِ اَسوَد وی چمُّاں
جالیاں اکھیاں نال لاواں، پی کے زم زم دا پانی
میں دل دی پیاس بجھا واں
کہو اللہ اللہ کہو اللہ اللہ

دو جہاناں دے والی! آپ دا رتبہ اے عالی
آپ دی شان نرالی، آپ دا رتبہ اۓ عالی
آپ دو جہاناں دے والی میں تِرے در دا سوالی
میں تے نئیں جاناں خالی
اللہ اللہ کہو اللہ اللہ
آقا !سَدلو مدینے، تےَ ٹُر گئے کنِےّ سفینے