Teri madah khawan har zaban Gauth-e-Azam

Teri madah khawan har zaban Gauth-e-Azam
Tera Naam Momin ki jan Gauth-e-Azam
Panah-e-Gareeban teri Zaat-e-wala
Tera ghar hay Darul Aman Gauth-e-Azam
Teri Jadd-e-Amjad han Noor-e-Ilahi
Hay Noori tera khandan Gauth-e-Azam
Teri waez man Aa kay shah-e-Arab nay
Barhaye teri Izz-o-shan Gauth-e-Azam
Milay gi hamain teray daman kay neechay
Do aalam man aman wa Aman Gauth-e-Azam
Zara Sidq-e-dil say pukaro to un ko
Abhi jalwa gar hoon yahan Gauth-e-Azam
Jameel ab hoon sakit Maqam-e-Adab hay
Kahan Tera mun aur kahan Gauth-e-Azam