Vo sab kaa maalik hai jis kaa arsh-e-mua.allaa
allaah hii allaah hai bas yaaro allaah hii allaah
zehn-o-dil se ek parda saa haTtaa jaa.e
auraq-e-roz-o-shab-o-vaqt palTaa jaa.e
dariyaa sahraa suuraj chaa.nd sitaare us ke
manzar aur rute.n us kii ham saare us ke
apnii puu.njii ik peshaanii ek musallaa
allaah hii allaah hai bas yaaro allaah hii allaah
dekh rahaa huu.n mai.n apnaa anjaam ‘muzaffar’
mere tan par hai piilaa ehraam ‘muzaffar’
paa.nv ke a.nguuThe me.n hai lohe kaa chhallaa
allaah hii allaah hai bas yaaro allaah allaah