Gul-e-bag-e-Risalat pe Lakhoon Salam

Gul-e-bag-e-Risalat pe Lakhoon Salam
Us bahar-e-shareeat pe lakhoon Salam

Jis kay saye man aasi chupain Hashar man
Aisay daman-e-Rahmat pe Lakhoon salam

Jis ki aagosh-e-Rahmat nay ham ko lia
Us ki ulfat, Mahabbat pe Lakhoon salam

Fik’r-e-Ummat man jis kay katay roz-o-shab
Aisay hami Ummat pe lakhoon Salam

Jis ki Soorat say Zahir ho Shan-e-Khuda
Ayesi Noorani Soorat pe lakhoon Salam

Jis ne Aalam do Aalam ko mahka dia
Us ki Zulfoon ki nikhat pe lakhoon Salam

Jis say Mahmood Roshan kiye do Jahan
Us ki shama’e-e-Hidayat pe lakhoon Salam