پیغام صبا لائی ہے گلزارِ نبی سے

پیغام صبا لائی ہے گلزارِ نبی سے
آیا ہے بلاوا مجھے دربارِ نبی سے

ہر آہ گئی عرش پہ، یہ آہ کی قسمت
ہر اشک پہ اِک خلد ہے، ہر اشک کی قیمت
تحفہ یہ ملا ہے مجھے سرکار ِ نبی سے

بھاتی نہیں ہمدم مجھے جنت کی جوانی
سنتا نہیں زاھدسے میں حوروں کی کہانی
اُلفت ہے مجھے سایۂ دیوار نبی سے

عرفاں کی کسک خُلق کی مَے صبر کا ساغر
کیا لطف ملا کرتا ہے جو دیتے ہیں سَروَر
یہ پوچھ لے آکر کوئی بیمارِ نبی سے